الثلاثاء

محد يدري عن هالمكان
اكتب فيه براحتي .. اكتب كل ألمي براحتي
اليوم عصبت عليهم كلهم
احيانا استغرب من طبيعة علاقتي بهم
وعلاقتهم بي القي اللوم عليهم
وعلي
انا اتقطع من داخلي
هشه جدا وضعيفة جدا
عصبيتي و عنادي هم مصدر قوتي
انا احاول قدر الامكان اني اكون لينه
لكن ما اقدر مع الاستفزاز اليومي المستمر
اللي اشوفه من الاغلبية
احيانا احس اني منبوذه لا لسبب معين
الاشياء اللي نفسي اقولها حتى بمكاني السري هذا ما اقدر اقولها فيه
او بالاصح ما اقدر اتكلم عنها ولا اعرف كيف اوصفها
شعوري الآن مختلط جدا
بين عصبية و حزن وحقد
ايه حقد
احقد عليهم لانهم يتعمدون التقليل من شأني دائما قدام الكل
كاني حيوان
الحين اكتب واخاف اني ادمع ويدخل احد الغرفه علي
ويشوف دموعي 
ما احب ابان ضعيفة قداهم
ابدا
ابدا
ابدا

03-17-2011, 06:47 PM

مساء الخير
/
\
ماقامت الايام تحلى بعيني مثل قبل
يمر اليوم بكامله مثل ماهو
ان طرا على بالي الفرح فرحت ساعة
وتاخذني هموم اليوم في أكثر الساعات
/
\
ليتني وانا اسوي الشغله احس باستمتاع
لو حسيت بالاستمتاع باي شي اسويه مراح امل
المشكلة
وش يسوي اللي يحس انه يشتغل وهو مجبور
ليتني اقلب ذا التفكير الغبي
وأقدر اقنع نفسي بالعكس



03-17-2011, 06:47 PM

اليوم: الخميس
التاريخ: 12/4/1432هـ
الوقت: 12:47 صباحا
صباح الخير للجميع
/
\
راح اتكلم عن يوم الاربعاء اللي انتهى قبل اقل من ساعه هع
رحت بيت اخوي
وكان وقتها الجو جنان
جلسنا الين الساعه 12 ورجعنا البيت
وفي الطريق المطر قووووووي
يقولون لها اكثر من ساعتين تمطر الدنيا
/
\
اتصلت على صحبتي بالجنوب ابغى اشوف احوالهم ماردت علي
ودي اعرف كيف الاوضاع عندهم
/
\
قاعده استهبل على عيال اخوي وقمت اطلقت عليهم الاثنين اسماء
واحد سميته جعفر والثاني سميته غضنفر وكل ما اشوفهم
اناديهم ياجعفر وياغضنفر هههههههه
غضنفر مايدري وين الله حاطه ههههههه
اما جعفر سواها سالفه عصب وبكى وزعل
يقول ليه تناديني جعفر اسم جعفر مو حلو
وانا كككككككككككككككككك فاكتها ضحك
وربي يالبزارين يوسعون الصدر

03-15-2011, 01:22 AM

يا اغلى من عرفت في هالعالم
وجعك يوجعني
وفرحك يفرحني
يا أغلاهم
/
\
احساس جاني يقول قلبك في ضيقه
مدري هو صادق ولا يضحك علي
احساس قلبي يعرف زين منهو صديقه
متى يضحك ومتى يزعل علي
: (
/
\
افتقدتك حيل



03-14-2011, 09:35 PM



ياكثرها الحواجز
نكسر منها ايش ولا ايش
/
\
بالصوت .. والصورة
بالاحساس .. ببذل الجهد
واللهفة للنجاح
معاد تكسر اي حاجز
يمكن الموت مع الايام يكسرها
تهقون يكسرها ؟!!
وا عجبي على عقول ..
تنكمش لتدخل في زجاجه صغيرة
تأبى الخروج منها ..
ارتاحت لوضعها .. وزادتنا شقا
وبخلت .. وماجانا منها رضا
/
\
أقصى امنياتي
اعيش بالقليل القليل الذي لا يذكر من الرضا
مني و إلي
ومن حولي
ومن كل من عرفني

03-13-2011, 11:30 PM

كانت امنيه .. وطارت مع الايام
وصارت بالنسبة لي شي مستحيل
كانت مثل الطيف .. أحلم به
واتخيله .. واخدع نفسي فيه
صار وهم مثل ماكل شي حولي وهم
حتى الإحساس صرت اشوفه وهم
/
\
عجيبه يا انا ليه دايم تشوفين الناس كلهم صح
وانتي من بينهم غلط

03-13-2011, 11:12 PM

امانيك ياقلبي تسرح بصوت موجه
وهمومك تشتاق تغوص في اعماقه
ليتني الطير واطير فوقه
/
\اشتقت لك يابحر