03-17-2011, 06:47 PM

مساء الخير
/
\
ماقامت الايام تحلى بعيني مثل قبل
يمر اليوم بكامله مثل ماهو
ان طرا على بالي الفرح فرحت ساعة
وتاخذني هموم اليوم في أكثر الساعات
/
\
ليتني وانا اسوي الشغله احس باستمتاع
لو حسيت بالاستمتاع باي شي اسويه مراح امل
المشكلة
وش يسوي اللي يحس انه يشتغل وهو مجبور
ليتني اقلب ذا التفكير الغبي
وأقدر اقنع نفسي بالعكس



03-17-2011, 06:47 PM

اليوم: الخميس
التاريخ: 12/4/1432هـ
الوقت: 12:47 صباحا
صباح الخير للجميع
/
\
راح اتكلم عن يوم الاربعاء اللي انتهى قبل اقل من ساعه هع
رحت بيت اخوي
وكان وقتها الجو جنان
جلسنا الين الساعه 12 ورجعنا البيت
وفي الطريق المطر قووووووي
يقولون لها اكثر من ساعتين تمطر الدنيا
/
\
اتصلت على صحبتي بالجنوب ابغى اشوف احوالهم ماردت علي
ودي اعرف كيف الاوضاع عندهم
/
\
قاعده استهبل على عيال اخوي وقمت اطلقت عليهم الاثنين اسماء
واحد سميته جعفر والثاني سميته غضنفر وكل ما اشوفهم
اناديهم ياجعفر وياغضنفر هههههههه
غضنفر مايدري وين الله حاطه ههههههه
اما جعفر سواها سالفه عصب وبكى وزعل
يقول ليه تناديني جعفر اسم جعفر مو حلو
وانا كككككككككككككككككك فاكتها ضحك
وربي يالبزارين يوسعون الصدر

03-15-2011, 01:22 AM

يا اغلى من عرفت في هالعالم
وجعك يوجعني
وفرحك يفرحني
يا أغلاهم
/
\
احساس جاني يقول قلبك في ضيقه
مدري هو صادق ولا يضحك علي
احساس قلبي يعرف زين منهو صديقه
متى يضحك ومتى يزعل علي
: (
/
\
افتقدتك حيل



03-14-2011, 09:35 PM



ياكثرها الحواجز
نكسر منها ايش ولا ايش
/
\
بالصوت .. والصورة
بالاحساس .. ببذل الجهد
واللهفة للنجاح
معاد تكسر اي حاجز
يمكن الموت مع الايام يكسرها
تهقون يكسرها ؟!!
وا عجبي على عقول ..
تنكمش لتدخل في زجاجه صغيرة
تأبى الخروج منها ..
ارتاحت لوضعها .. وزادتنا شقا
وبخلت .. وماجانا منها رضا
/
\
أقصى امنياتي
اعيش بالقليل القليل الذي لا يذكر من الرضا
مني و إلي
ومن حولي
ومن كل من عرفني

03-13-2011, 11:30 PM

كانت امنيه .. وطارت مع الايام
وصارت بالنسبة لي شي مستحيل
كانت مثل الطيف .. أحلم به
واتخيله .. واخدع نفسي فيه
صار وهم مثل ماكل شي حولي وهم
حتى الإحساس صرت اشوفه وهم
/
\
عجيبه يا انا ليه دايم تشوفين الناس كلهم صح
وانتي من بينهم غلط

03-13-2011, 11:12 PM

امانيك ياقلبي تسرح بصوت موجه
وهمومك تشتاق تغوص في اعماقه
ليتني الطير واطير فوقه
/
\اشتقت لك يابحر



03-13-2011, 06:26 AM

في نفسي كلام كثير
يصارع الصمت و يُهزم ..
ويستقر في الأعماق .. مؤلم
في داخلي عداء كبير تجاه الفراغ
و تحفظ كبير في التعبير عن الشعور
فماذا ستجني نفسي إن هي باحت
كالعادة لاشيء

03-10-2011, 05:04 PM



ياكثر ما اقع بنفس الخطأ
ابدأ بحماس كبير وبهمة عالية
وبفكرة جميلة واستنفذ كل جهودي في حماسي الزائد
ومع الايام يصيبني الملل واترك الشي ولا اكمله
هنا
لازم وقفه صادقة
نخاطب فيها انفسنا
لو استمريت واوهمت نفسي بالحماس وقاومت الملل
هل ستكون النتيجة مرضية ؟؟
في قرارة نفسي اقول نعم مرضية تماما
فكرة جيدة + حماس مستمر + مقاومة للملل+ اخلاص = عمل جبار وابداع وانجاز كبير
/
\
اوركيدا
قاومي الملل
قاوميه وتوكلي على ربك
الله مايضيع احد

: )

03-08-2011, 10:58 PM



قوية أنا باصراري
قوية بما في داخلي
ولن اشعر بأي شعور سلبي منبعه خاطئ
/
\
ألا يحق لي أن اكون مغرورة ؟!
بالرغم من كرهي لهذه الخصله
لكنني اكتشفت انها تحفظ كرامة الانسان
ولا تهدرها
/
\
سأكون الغرور الواثق
ومافي احد احسن من احد

03-08-2011, 12:00 PM

 

مازالت تستهويني القمم
ياضعفي تخلى عني
لاتسلق الجبال بكل قوة

03-08-2011, 11:03 AM

صباح جديد
ويوم جديد
ومازلنا نتنفس
هذا اكبر دافع لي للعمل
بكل جد واجتهاد
/
\
احتياجاتنا مراح تنتهي
وبيتعب اللي يدور عليها
افضل شي تنتناسها بالعمل والعطاء
وبذل الجهد، والتفكير بتفاؤل لمستقبل مشرق باذن الله
/
\
للمرة الثانية تتصل علي المدرسة وتبغاني ادرس عندهم
وللمرة الثانية ارفض، بامكاني اقبل الوظيفة
لكن صاحب بالين كذاب، اركز اول على دراستي
بس اتصال مرتين حسيت وقتها ان الله مايضيع احد
والرزق بيجي للانسان الين باب بيته لو ربي اراد
فهل بعد هذا نتوانى عن طلبه والسؤال منه لحاجاتنا
ونتوكل عليه في كل شي ..
لك الحمد ياربنا كما ينبغي لجلال وجهك وعظيم سلطانك
/
\
هالترم دوامي للجامعه صار بالقوة .. فعلا صرت احس بملل منها
عكس الترم الماضي ، والسبب انه كل البنات جدد ولا اعرفهم
ام الحاله .. بس يلا بيمشي الحال مثل ما مشت الاحوال اللي قبله
توكلنا على الله ولا حول ولا قوة الا بالله بقوم اتجهز للجامعه

03-07-2011, 02:42 AM



بدفي نفسي ..
ماني بحاجة قلوب البشر
بدفي نفسي بحبك ياربي
/
\
املأ قلبي بحبك
يا الله ياكريم

03-07-2011, 02:31 AM

ناظري بعيني واحضنيني
ودفي قلبي .. تراه حيل محتاجك
حيل حيل محتاجك

03-04-2011, 04:32 PM

تعلمت الدرس وفهمته .. لن افترض بعد ذلك ابدا
فافتراض الصح المحتمل لايعني انه سيحصل
لانه ببساطه
اختلفت موزاين "الصح" باختلاف اهواء الناس
/
\
الى ان يصبح باطن الامر ظاهر
سالتزم الصمت.

03-04-2011, 07:49 AM



صباح الخير

توني افتح الستائر .. واحط بخور في غرفتي

ومجهزه فنجان قهوة .. وقلت اتخيل

تدرون وش تخيلت

تخيلت الفنجان فنجانين

واغلاهم تشربه معي ..

اغلاهم حياك *_^

03-04-2011, 05:12 AM

اليوم : الجمعة
التاريخ: 29/3/1432هـ
الوقت: 5:00 صباحا
/
\
باتكلم عن امس
يوم حلو
خالاتي كلهم
وبنت خالي وزوجة ولد خالي وبنتها
وزوجة اخوي واختي
كلهم كانو عندنا فعلا زحمة << ماتحب الزحمة
وتعب .. واكلت الين قلت بس ههههه
كاني مفجوعه واول مره اشوف اكل
/
\
بنت ولد خالي عندها توام بنتين
التموا على بنت اخوي لموره
وصاروا صحبة ههههه
من بعيد ارفع يديني للموره واقول تعالي
وتجي جري واحضنها وارفعها وابوسها
ووحده من التوام تطالع فينا
قمت نزلت بنت اخوي وسويت نفس الحركه للبنت الصغيرة
وجت تجري بسرعه وخلتني أحضنها ورفعتها وبستها وهي ماتعرفني هع
قلت في نفسي ياحليلهم الصغار يحبون يقلدون بعض
/
\
اخوي يقول فيه مظاهرات
قلت بنزل و واشارك معهم
انا ديموغراطيه وادعو للديموغراطيه
بس اهم شي يوظفوني اول ما اتخرج << اهم شي عندها الوظيفة

03-03-2011, 04:49 AM

كل مره اقولها
في كل موقف
في كل تصرف
ياحليلك ياقلبي
وقسم مافي مثلك
تشيل هم البشر ولا احد داري عنك
يارب قربه منك .. وارزقه الثبات والعزم
على دينك .. وحسن عبادتك
يارب .. اغسله من كل هم
ونقه .. وعلمه الصفح .. وانزع منه اي حقد
جمله بالتواضع .. وزينه بالطيبه
/
\
احس اني لا انا بواقع
ولا انا بوهم
تايهه بينهم
لا انا قدرت اقوى وابعد
ولا انا قدرت اضعف واقعد
/
\
اكره حالي الان
اكره خضوعي
اكره نفوري من اعمالي الحالية
اكره ضعفي .. ورقة قلبي
اكره من الناس تهميشهم وفهم الخاطئ
اكره منهم الحكم علي في امور لا تخصهم
اكره ان اعتبر نفسي منهم وانا بالاساس لست منهم
اكره تمادي ذاتي في الاقتراب
اكره اصرار صديقتي على خصامي رغم توضيح الامر لها .
اكره منهم تعاملهم القاسي رغم اني مرنة معهم في التعامل
اكرهني عندما اتيت هذا المكان .. وتعلقت به ..
اكرهني انه بالرغم من شعوري المؤلم .. مازلت اتمنى ان يعود الوضع كما كان
/
\
تصيبني الكلمات الملقاة
صراحة او ضمنا ..
وتدمي قلبي وترعفه
ما اشقاك ياقلبي
هل اعتدت الالم ؟!!



03-03-2011, 02:06 AM



وقسم اني ظلمتك ياقلبي يوم قلت انك قاسي
واكبر دليل .. على ظلمي
المك .. وهمك في هالاوقات
رعفت جدرانك
وتمزقت
وفاض بك الالم
فاض ورب البيت
/
\
تستحق ان تسقط دمعتي على مامضى
و ان تسقط الان على مايحدث
او تتساقط كل دموعي ..
تحرق الوجنتين .. وتغسل القلب
ليتها تغسله .. لكنها لا تفعل
انها تحرقه .. وتكويه ..
انها تزيده وجع

03-02-2011, 03:58 AM

اليوم : الاربعاء
التاريخ: 27/3/1432هـ
الوقت: 3:51 صباحا
/
\
ساتحدث عن يوم امس
كل ماصادفت وحدة قالت اشفيك شكلك تعبانه
مع اني رايحه الجامعه وانا شبه مروقه
ونايمه كم ساعه يعني رايحه ووضعي عادي وطبيعي
قلت في نفسي : لهالدرجه اني مكشوفه
حتى اعماقي واضحه وظاهرة
مشكلة والله .
/
\
حضرت نص المحاضرة وحضرت نفسي وسحبت على النص الثاني
ورجعت البيت .. وانا بالباص اسمع البنات وحدة منهم تتكلم وتقول
انا نزلت عربي 101 واخذت فيه F ، قالت الثانيه وانا كمان
رجعت ردت الاولى قالت انا والعربي مره مو اصحاب
انا هنا فغرت ههههه ، عربي 101 تافه جدا
يعني لهالدرجه حنا ميح في العربي وحنا عرب
والله تعجبت منهم من جد
/
\
اممممم راح القي الاسبوع اللي بعد الجاي
عرض .. عن ادوات البحث العلمي .. قدام 24 طالبه
و 4 طلاب والدكتور
والله اني شايله هم : /
الله يستر ويسهل

02-27-2011, 12:44 AM

من فترة صرت اتخيل نفسي اسولف مع مدونتي
لا تقعد تجادلني .. ولا تغلطني
ولا تحسسني اني وحدة بافخم واهول في الكلام
كل انسان وقت الالم بيحس انه هو الوحيد اللي يتالم
وبيحس انه مافي احد يتالم غيره
لكن لمن يشوف الناس من حوله
يقول والله انه في خير ونعمه و فضل
وحاله افضل من حال ناس كثيره الحمد لله

02-26-2011, 01:58 AM

منامي كابوس مزعج
كأنا المزعجة
أعترف
وان كان اعترافي لن يكون ذي معنى
أنني الملم نفسي الممزقة
ولازلت حتى هذه اللحظة
و الاهم
انني ذاهبة الان للبحث عن تفسير لهذا المنام
فهو حقا مزعج .

02-25-2011, 09:23 PM

لا داعي للحرج يا أنا .. قدر الله وماشاء فعل

02-25-2011, 01:17 PM

كل يوم يمر
يزيدني تنافر لهذا المكان
ظاهريا ملل .. مع نفسي طول الوقت
لكن في قرارة نفسي
اعتبرها افضل خدمة تقدم لي
يمكن مع مرور الايامارجع لواقعي كما كنت


02-24-2011, 02:10 AM

ارتاح ياقلبي ارتاح
الحياة ماتصير مثل ماكيفنا يبي
: (

02-24-2011, 12:13 AM

تدرين ..
الفرحه مثل الطيف الخاطف
ولحظات الالم تستحوذ على كل الاوقات
وطريق الطموح نمشي عليه خطوه
ونتراجع خطوات
تدرين
انتي وحدك تدرين ..
تدرين وش مضايقني
وش مزعلني .. وش مكدرني ..
وش اللي عافسني
تدرين ..
انه قلبي يوجعني ..
اقصى وجع .. اقصى الم
قلبي اللي تعرفينه زين ..
وتعرفين شكثر هو طيب
/
\
ايام حلوة .. انتهت ..
وانتهت معها بسمتنا
وبدايه هم ..
كان من يوم بدينا نفكر بهمتنا
وتمر ايام .. وليالي ..
وحالنا مثل ماهو ..
ومابعد وصلنا لقمتنا
وحنا والفرح .. تفارقنا .. تفارقنا
/
\
تعرفين حنان يا انتي
تعرفينها وقت الالم .. تضحك ..
ووقت القهر .. تسكت ..
وكل ملامح وجهها تفضحها
تعرفينها .. يوم تتحمس ..
وتعصب لانه اللي حولها مو متحمس
تعرفينها لابغت الشي .. ماترتاح لين تسويه
ولا كرهت الشي ماتسويه لين ترتاح
وقلبي الحين مو مرتاح ..
ابد مو مرتاح
/
\
كرهت ايامي ..
كرهتها من يوم تغيرت احوالي
من يوم تركت واقعي ..
ورحت يم اوهامي .

02-23-2011, 07:41 PM

شعوري بعدم الراحه لا اعلم ماهو مصدره
هل هي رهبة دكتور مجهول ام اهمال مازلت اكافحه
ام رؤية مشوشه لما سوف تؤول اليه الامور
ام هروب لعالم رهيب .. يزداد لؤما بمرور الايام
ام امور من حولي غير واضحة الملامح ..
/
\
اتمنى من كل قلبي ان لا يتم تقييدي
اكره القيود .. أيا كانت ..
/
\
لا اعتقد بأن هناك كلمات تعبر عما بداخلي
فيتربع الصمت على عرش الكلمات
ويحتل الصدارة ..
/
\
احب اللمه .. والضحك .. والوناسه
واكتئب من اي مشكله حتى لو كان مالي علاقه فيها
اعترف اعتراف صريح .. دخولي هنا من اجل الترفيه على الاقل حاليا .. حتى يحين موعد التخرج باذن الله

02-21-2011, 11:44 PM

اليوم : الاثنين
الموافق: 18/3/1432هـ
الوقت : 11:37 م
/
\
يوم مميز جدا
يوم اجتماع صديقاتي في بيتنا
اجتماعهم شي مو جديد
الجديد اني طبخت ونفخت مثل العالم والناس
وحسيت اني ست بيت يعتمد عليها
يا فديتني بس
/
\
اممممم طبخت طبخه وماذقتها الا لمن جلست
اكل مع البنات .. واعجبني طعمها لدرجة شكيت
هل انا اللي طبختها ولا احد ثاني
قلت هالكلام لصحباتي وفطسوا ضحك .
/
\
كان مع صحبتي اي فون
قامت دخلت النت به على شبكتنا وشغلت
اغنية نجوى كرم لشحد حبك ..
الاغنيه رهيبه صراحه حقت شكشكه ههههه
والله تخبلنا كلنا مع الاغنيه صدق صرنا مساطيل
الله يرجك يا توته
/
\
كالعادة صوت الصمت زياراتها خاطفة
قلت لها انتي المفروض تعيشين بالديرة
ماتنفع زياراتك لسكان جدة ابدا هههه
خرجت بدري وكملت الجلسه مع توته
الين اتصل اخوها وراحت .

02-21-2011, 03:33 PM

اقوى واعظم انتصار حققته
ما اجمل التحرر
بلا قيود .. ولا سجون

عندما يتحرر القلب ..
تتحرر كل خلية من خلايا الجسد

02-21-2011, 03:29 PM

سبحان الله
ما ارتاح في الكتابه والبوح
الا هنا
**
صرت في الفتره الاخيره اكتب بالعامي
والسبب انه اسهل وابلغ في التعبير
واقرب الى القلب ..
**
احساسي يقول انه الايام الجايه راح تكون احلى واجمل ايام
تمر علي في حياتي ..
واحساسي يقول لي بعد .. انه راح نتخرج انا وزميلاتي بنفس الترم .
بالرغم من انهم سابقيني بسنه كاملة ..
**
اروع .. واحلى .. واجمل يوم يمر علي
هو اليوم اللي اتجهز فيه لاستقبال ناس اغليهم واعزهم
لدرجة انسى النت وابو النت واللي خلفوه بعد ..
ياربي احفظ لي صديقاتي ..
**
سعادتي اليوم لا توصف ..
لا لا ليست سعادة
بل هي رضا .. رضا كبير
ينبع من اعمق اعماقي ..
ويتغلغل بكل اجزاء كياني