اتذكر وقت الامتحانات
وانا بالصف الخامس ابتدائي
كان ابوي جالس على الكنبه
بيصحح اسئلة اختباره
بطريقة غريبه
الورقه عليها دوائر ومخرومه
والاختبار كان اختيار من متعدد
كنت انبسط من الوضع
ابويه يصحح وانا اذاكر بنفس المكان
اروح عنده واسأله
اقول له ابويه الجزئية هذي اش اذاكر منها
يقوم يلخصها لي بطريقة مره مرتبه
واجلس احكي له عن البنات
واني ابغى اكون من العشرة الاوائل
واعلمه كيف خططت لنفسي
عشان احقق هالحلم الصغير
كنت ابغاه يفرح فيني
ويشوف مهارتي واصراري على الشي اللي ابغاه
مدري وقتها هو كان يمشيني عشان اسكت
ولا كان معجب بي فعلاً
كبرنا يا ابويه .. كبرنا وكبر معانا احتياجنا لك
كبرنا واحنا نحس بحرمان ..
والحين نحس بضياع
ضياع و فقدنا الأمان
فقدناه واحنا عايشين معاك
رحمتك ياربي
لا تحوجني لأحد
ياحي يا قيوم
: (
