03-17-2011, 06:47 PM

مساء الخير
/
\
ماقامت الايام تحلى بعيني مثل قبل
يمر اليوم بكامله مثل ماهو
ان طرا على بالي الفرح فرحت ساعة
وتاخذني هموم اليوم في أكثر الساعات
/
\
ليتني وانا اسوي الشغله احس باستمتاع
لو حسيت بالاستمتاع باي شي اسويه مراح امل
المشكلة
وش يسوي اللي يحس انه يشتغل وهو مجبور
ليتني اقلب ذا التفكير الغبي
وأقدر اقنع نفسي بالعكس



03-17-2011, 06:47 PM

اليوم: الخميس
التاريخ: 12/4/1432هـ
الوقت: 12:47 صباحا
صباح الخير للجميع
/
\
راح اتكلم عن يوم الاربعاء اللي انتهى قبل اقل من ساعه هع
رحت بيت اخوي
وكان وقتها الجو جنان
جلسنا الين الساعه 12 ورجعنا البيت
وفي الطريق المطر قووووووي
يقولون لها اكثر من ساعتين تمطر الدنيا
/
\
اتصلت على صحبتي بالجنوب ابغى اشوف احوالهم ماردت علي
ودي اعرف كيف الاوضاع عندهم
/
\
قاعده استهبل على عيال اخوي وقمت اطلقت عليهم الاثنين اسماء
واحد سميته جعفر والثاني سميته غضنفر وكل ما اشوفهم
اناديهم ياجعفر وياغضنفر هههههههه
غضنفر مايدري وين الله حاطه ههههههه
اما جعفر سواها سالفه عصب وبكى وزعل
يقول ليه تناديني جعفر اسم جعفر مو حلو
وانا كككككككككككككككككك فاكتها ضحك
وربي يالبزارين يوسعون الصدر

03-15-2011, 01:22 AM

يا اغلى من عرفت في هالعالم
وجعك يوجعني
وفرحك يفرحني
يا أغلاهم
/
\
احساس جاني يقول قلبك في ضيقه
مدري هو صادق ولا يضحك علي
احساس قلبي يعرف زين منهو صديقه
متى يضحك ومتى يزعل علي
: (
/
\
افتقدتك حيل



03-14-2011, 09:35 PM



ياكثرها الحواجز
نكسر منها ايش ولا ايش
/
\
بالصوت .. والصورة
بالاحساس .. ببذل الجهد
واللهفة للنجاح
معاد تكسر اي حاجز
يمكن الموت مع الايام يكسرها
تهقون يكسرها ؟!!
وا عجبي على عقول ..
تنكمش لتدخل في زجاجه صغيرة
تأبى الخروج منها ..
ارتاحت لوضعها .. وزادتنا شقا
وبخلت .. وماجانا منها رضا
/
\
أقصى امنياتي
اعيش بالقليل القليل الذي لا يذكر من الرضا
مني و إلي
ومن حولي
ومن كل من عرفني

03-13-2011, 11:30 PM

كانت امنيه .. وطارت مع الايام
وصارت بالنسبة لي شي مستحيل
كانت مثل الطيف .. أحلم به
واتخيله .. واخدع نفسي فيه
صار وهم مثل ماكل شي حولي وهم
حتى الإحساس صرت اشوفه وهم
/
\
عجيبه يا انا ليه دايم تشوفين الناس كلهم صح
وانتي من بينهم غلط

03-13-2011, 11:12 PM

امانيك ياقلبي تسرح بصوت موجه
وهمومك تشتاق تغوص في اعماقه
ليتني الطير واطير فوقه
/
\اشتقت لك يابحر



03-13-2011, 06:26 AM

في نفسي كلام كثير
يصارع الصمت و يُهزم ..
ويستقر في الأعماق .. مؤلم
في داخلي عداء كبير تجاه الفراغ
و تحفظ كبير في التعبير عن الشعور
فماذا ستجني نفسي إن هي باحت
كالعادة لاشيء

03-10-2011, 05:04 PM



ياكثر ما اقع بنفس الخطأ
ابدأ بحماس كبير وبهمة عالية
وبفكرة جميلة واستنفذ كل جهودي في حماسي الزائد
ومع الايام يصيبني الملل واترك الشي ولا اكمله
هنا
لازم وقفه صادقة
نخاطب فيها انفسنا
لو استمريت واوهمت نفسي بالحماس وقاومت الملل
هل ستكون النتيجة مرضية ؟؟
في قرارة نفسي اقول نعم مرضية تماما
فكرة جيدة + حماس مستمر + مقاومة للملل+ اخلاص = عمل جبار وابداع وانجاز كبير
/
\
اوركيدا
قاومي الملل
قاوميه وتوكلي على ربك
الله مايضيع احد

: )

03-08-2011, 10:58 PM



قوية أنا باصراري
قوية بما في داخلي
ولن اشعر بأي شعور سلبي منبعه خاطئ
/
\
ألا يحق لي أن اكون مغرورة ؟!
بالرغم من كرهي لهذه الخصله
لكنني اكتشفت انها تحفظ كرامة الانسان
ولا تهدرها
/
\
سأكون الغرور الواثق
ومافي احد احسن من احد

03-08-2011, 12:00 PM

 

مازالت تستهويني القمم
ياضعفي تخلى عني
لاتسلق الجبال بكل قوة

03-08-2011, 11:03 AM

صباح جديد
ويوم جديد
ومازلنا نتنفس
هذا اكبر دافع لي للعمل
بكل جد واجتهاد
/
\
احتياجاتنا مراح تنتهي
وبيتعب اللي يدور عليها
افضل شي تنتناسها بالعمل والعطاء
وبذل الجهد، والتفكير بتفاؤل لمستقبل مشرق باذن الله
/
\
للمرة الثانية تتصل علي المدرسة وتبغاني ادرس عندهم
وللمرة الثانية ارفض، بامكاني اقبل الوظيفة
لكن صاحب بالين كذاب، اركز اول على دراستي
بس اتصال مرتين حسيت وقتها ان الله مايضيع احد
والرزق بيجي للانسان الين باب بيته لو ربي اراد
فهل بعد هذا نتوانى عن طلبه والسؤال منه لحاجاتنا
ونتوكل عليه في كل شي ..
لك الحمد ياربنا كما ينبغي لجلال وجهك وعظيم سلطانك
/
\
هالترم دوامي للجامعه صار بالقوة .. فعلا صرت احس بملل منها
عكس الترم الماضي ، والسبب انه كل البنات جدد ولا اعرفهم
ام الحاله .. بس يلا بيمشي الحال مثل ما مشت الاحوال اللي قبله
توكلنا على الله ولا حول ولا قوة الا بالله بقوم اتجهز للجامعه

03-07-2011, 02:42 AM



بدفي نفسي ..
ماني بحاجة قلوب البشر
بدفي نفسي بحبك ياربي
/
\
املأ قلبي بحبك
يا الله ياكريم

03-07-2011, 02:31 AM

ناظري بعيني واحضنيني
ودفي قلبي .. تراه حيل محتاجك
حيل حيل محتاجك

03-04-2011, 04:32 PM

تعلمت الدرس وفهمته .. لن افترض بعد ذلك ابدا
فافتراض الصح المحتمل لايعني انه سيحصل
لانه ببساطه
اختلفت موزاين "الصح" باختلاف اهواء الناس
/
\
الى ان يصبح باطن الامر ظاهر
سالتزم الصمت.

03-04-2011, 07:49 AM



صباح الخير

توني افتح الستائر .. واحط بخور في غرفتي

ومجهزه فنجان قهوة .. وقلت اتخيل

تدرون وش تخيلت

تخيلت الفنجان فنجانين

واغلاهم تشربه معي ..

اغلاهم حياك *_^

03-04-2011, 05:12 AM

اليوم : الجمعة
التاريخ: 29/3/1432هـ
الوقت: 5:00 صباحا
/
\
باتكلم عن امس
يوم حلو
خالاتي كلهم
وبنت خالي وزوجة ولد خالي وبنتها
وزوجة اخوي واختي
كلهم كانو عندنا فعلا زحمة << ماتحب الزحمة
وتعب .. واكلت الين قلت بس ههههه
كاني مفجوعه واول مره اشوف اكل
/
\
بنت ولد خالي عندها توام بنتين
التموا على بنت اخوي لموره
وصاروا صحبة ههههه
من بعيد ارفع يديني للموره واقول تعالي
وتجي جري واحضنها وارفعها وابوسها
ووحده من التوام تطالع فينا
قمت نزلت بنت اخوي وسويت نفس الحركه للبنت الصغيرة
وجت تجري بسرعه وخلتني أحضنها ورفعتها وبستها وهي ماتعرفني هع
قلت في نفسي ياحليلهم الصغار يحبون يقلدون بعض
/
\
اخوي يقول فيه مظاهرات
قلت بنزل و واشارك معهم
انا ديموغراطيه وادعو للديموغراطيه
بس اهم شي يوظفوني اول ما اتخرج << اهم شي عندها الوظيفة

03-03-2011, 04:49 AM

كل مره اقولها
في كل موقف
في كل تصرف
ياحليلك ياقلبي
وقسم مافي مثلك
تشيل هم البشر ولا احد داري عنك
يارب قربه منك .. وارزقه الثبات والعزم
على دينك .. وحسن عبادتك
يارب .. اغسله من كل هم
ونقه .. وعلمه الصفح .. وانزع منه اي حقد
جمله بالتواضع .. وزينه بالطيبه
/
\
احس اني لا انا بواقع
ولا انا بوهم
تايهه بينهم
لا انا قدرت اقوى وابعد
ولا انا قدرت اضعف واقعد
/
\
اكره حالي الان
اكره خضوعي
اكره نفوري من اعمالي الحالية
اكره ضعفي .. ورقة قلبي
اكره من الناس تهميشهم وفهم الخاطئ
اكره منهم الحكم علي في امور لا تخصهم
اكره ان اعتبر نفسي منهم وانا بالاساس لست منهم
اكره تمادي ذاتي في الاقتراب
اكره اصرار صديقتي على خصامي رغم توضيح الامر لها .
اكره منهم تعاملهم القاسي رغم اني مرنة معهم في التعامل
اكرهني عندما اتيت هذا المكان .. وتعلقت به ..
اكرهني انه بالرغم من شعوري المؤلم .. مازلت اتمنى ان يعود الوضع كما كان
/
\
تصيبني الكلمات الملقاة
صراحة او ضمنا ..
وتدمي قلبي وترعفه
ما اشقاك ياقلبي
هل اعتدت الالم ؟!!



03-03-2011, 02:06 AM



وقسم اني ظلمتك ياقلبي يوم قلت انك قاسي
واكبر دليل .. على ظلمي
المك .. وهمك في هالاوقات
رعفت جدرانك
وتمزقت
وفاض بك الالم
فاض ورب البيت
/
\
تستحق ان تسقط دمعتي على مامضى
و ان تسقط الان على مايحدث
او تتساقط كل دموعي ..
تحرق الوجنتين .. وتغسل القلب
ليتها تغسله .. لكنها لا تفعل
انها تحرقه .. وتكويه ..
انها تزيده وجع

03-02-2011, 03:58 AM

اليوم : الاربعاء
التاريخ: 27/3/1432هـ
الوقت: 3:51 صباحا
/
\
ساتحدث عن يوم امس
كل ماصادفت وحدة قالت اشفيك شكلك تعبانه
مع اني رايحه الجامعه وانا شبه مروقه
ونايمه كم ساعه يعني رايحه ووضعي عادي وطبيعي
قلت في نفسي : لهالدرجه اني مكشوفه
حتى اعماقي واضحه وظاهرة
مشكلة والله .
/
\
حضرت نص المحاضرة وحضرت نفسي وسحبت على النص الثاني
ورجعت البيت .. وانا بالباص اسمع البنات وحدة منهم تتكلم وتقول
انا نزلت عربي 101 واخذت فيه F ، قالت الثانيه وانا كمان
رجعت ردت الاولى قالت انا والعربي مره مو اصحاب
انا هنا فغرت ههههه ، عربي 101 تافه جدا
يعني لهالدرجه حنا ميح في العربي وحنا عرب
والله تعجبت منهم من جد
/
\
اممممم راح القي الاسبوع اللي بعد الجاي
عرض .. عن ادوات البحث العلمي .. قدام 24 طالبه
و 4 طلاب والدكتور
والله اني شايله هم : /
الله يستر ويسهل

02-27-2011, 12:44 AM

من فترة صرت اتخيل نفسي اسولف مع مدونتي
لا تقعد تجادلني .. ولا تغلطني
ولا تحسسني اني وحدة بافخم واهول في الكلام
كل انسان وقت الالم بيحس انه هو الوحيد اللي يتالم
وبيحس انه مافي احد يتالم غيره
لكن لمن يشوف الناس من حوله
يقول والله انه في خير ونعمه و فضل
وحاله افضل من حال ناس كثيره الحمد لله

02-26-2011, 01:58 AM

منامي كابوس مزعج
كأنا المزعجة
أعترف
وان كان اعترافي لن يكون ذي معنى
أنني الملم نفسي الممزقة
ولازلت حتى هذه اللحظة
و الاهم
انني ذاهبة الان للبحث عن تفسير لهذا المنام
فهو حقا مزعج .

02-25-2011, 09:23 PM

لا داعي للحرج يا أنا .. قدر الله وماشاء فعل

02-25-2011, 01:17 PM

كل يوم يمر
يزيدني تنافر لهذا المكان
ظاهريا ملل .. مع نفسي طول الوقت
لكن في قرارة نفسي
اعتبرها افضل خدمة تقدم لي
يمكن مع مرور الايامارجع لواقعي كما كنت


02-24-2011, 02:10 AM

ارتاح ياقلبي ارتاح
الحياة ماتصير مثل ماكيفنا يبي
: (

02-24-2011, 12:13 AM

تدرين ..
الفرحه مثل الطيف الخاطف
ولحظات الالم تستحوذ على كل الاوقات
وطريق الطموح نمشي عليه خطوه
ونتراجع خطوات
تدرين
انتي وحدك تدرين ..
تدرين وش مضايقني
وش مزعلني .. وش مكدرني ..
وش اللي عافسني
تدرين ..
انه قلبي يوجعني ..
اقصى وجع .. اقصى الم
قلبي اللي تعرفينه زين ..
وتعرفين شكثر هو طيب
/
\
ايام حلوة .. انتهت ..
وانتهت معها بسمتنا
وبدايه هم ..
كان من يوم بدينا نفكر بهمتنا
وتمر ايام .. وليالي ..
وحالنا مثل ماهو ..
ومابعد وصلنا لقمتنا
وحنا والفرح .. تفارقنا .. تفارقنا
/
\
تعرفين حنان يا انتي
تعرفينها وقت الالم .. تضحك ..
ووقت القهر .. تسكت ..
وكل ملامح وجهها تفضحها
تعرفينها .. يوم تتحمس ..
وتعصب لانه اللي حولها مو متحمس
تعرفينها لابغت الشي .. ماترتاح لين تسويه
ولا كرهت الشي ماتسويه لين ترتاح
وقلبي الحين مو مرتاح ..
ابد مو مرتاح
/
\
كرهت ايامي ..
كرهتها من يوم تغيرت احوالي
من يوم تركت واقعي ..
ورحت يم اوهامي .

02-23-2011, 07:41 PM

شعوري بعدم الراحه لا اعلم ماهو مصدره
هل هي رهبة دكتور مجهول ام اهمال مازلت اكافحه
ام رؤية مشوشه لما سوف تؤول اليه الامور
ام هروب لعالم رهيب .. يزداد لؤما بمرور الايام
ام امور من حولي غير واضحة الملامح ..
/
\
اتمنى من كل قلبي ان لا يتم تقييدي
اكره القيود .. أيا كانت ..
/
\
لا اعتقد بأن هناك كلمات تعبر عما بداخلي
فيتربع الصمت على عرش الكلمات
ويحتل الصدارة ..
/
\
احب اللمه .. والضحك .. والوناسه
واكتئب من اي مشكله حتى لو كان مالي علاقه فيها
اعترف اعتراف صريح .. دخولي هنا من اجل الترفيه على الاقل حاليا .. حتى يحين موعد التخرج باذن الله

02-21-2011, 11:44 PM

اليوم : الاثنين
الموافق: 18/3/1432هـ
الوقت : 11:37 م
/
\
يوم مميز جدا
يوم اجتماع صديقاتي في بيتنا
اجتماعهم شي مو جديد
الجديد اني طبخت ونفخت مثل العالم والناس
وحسيت اني ست بيت يعتمد عليها
يا فديتني بس
/
\
اممممم طبخت طبخه وماذقتها الا لمن جلست
اكل مع البنات .. واعجبني طعمها لدرجة شكيت
هل انا اللي طبختها ولا احد ثاني
قلت هالكلام لصحباتي وفطسوا ضحك .
/
\
كان مع صحبتي اي فون
قامت دخلت النت به على شبكتنا وشغلت
اغنية نجوى كرم لشحد حبك ..
الاغنيه رهيبه صراحه حقت شكشكه ههههه
والله تخبلنا كلنا مع الاغنيه صدق صرنا مساطيل
الله يرجك يا توته
/
\
كالعادة صوت الصمت زياراتها خاطفة
قلت لها انتي المفروض تعيشين بالديرة
ماتنفع زياراتك لسكان جدة ابدا هههه
خرجت بدري وكملت الجلسه مع توته
الين اتصل اخوها وراحت .

02-21-2011, 03:33 PM

اقوى واعظم انتصار حققته
ما اجمل التحرر
بلا قيود .. ولا سجون

عندما يتحرر القلب ..
تتحرر كل خلية من خلايا الجسد

02-21-2011, 03:29 PM

سبحان الله
ما ارتاح في الكتابه والبوح
الا هنا
**
صرت في الفتره الاخيره اكتب بالعامي
والسبب انه اسهل وابلغ في التعبير
واقرب الى القلب ..
**
احساسي يقول انه الايام الجايه راح تكون احلى واجمل ايام
تمر علي في حياتي ..
واحساسي يقول لي بعد .. انه راح نتخرج انا وزميلاتي بنفس الترم .
بالرغم من انهم سابقيني بسنه كاملة ..
**
اروع .. واحلى .. واجمل يوم يمر علي
هو اليوم اللي اتجهز فيه لاستقبال ناس اغليهم واعزهم
لدرجة انسى النت وابو النت واللي خلفوه بعد ..
ياربي احفظ لي صديقاتي ..
**
سعادتي اليوم لا توصف ..
لا لا ليست سعادة
بل هي رضا .. رضا كبير
ينبع من اعمق اعماقي ..
ويتغلغل بكل اجزاء كياني

38

02-17-2011, 02:56 AM
بعض الكلمات تأثر فيني لدرجة البكاء
واللي يخلي الموضوع يصعب بالنسبه لي
انه لا انا قادرة اسال هو يقصد او مايقصد
ولا انا قادره احدد هو قاصد او غير قاصد
قد اتعرض للانتقاد الشديد من هذا الكلام
لكن الغرض هنا هو البوح فقط .
**
اخطائي الكثيرة جعلتني اتردد في الكتابة
من منطلق انه احب للناس ما احب لنفسي
والظاهر اني احب لنفسي
واكره للناس ما احبه لنفسي
وبنفس الوقت .. ليست هي سياستي اطلاقا
لكن الظروف من حولي جعلتني اكثر حرصا .
**
لم انشر او اروج لاي احد كان اني ذات قلب طيب
وذلك لايهمني .. لا يهمني ان كان لدي قلب اصلا
مايهمني فعلا .. ان انعم باجواء صافيه .. تزيدني صفاء
سئمت المشاكل .. وسئمت الغموض .. سئمت كل شي
سئمت اللعب بالاعصاب .. سئمت العبث بالمشاعر ..
فتركت كل شي .. حتى اللذين عرفتهم منذ سنوات طويلة
تركتهم في ذلك المكان ومحيته من الوجود .
لعنه حلت على قلبي .. جعلته اقسى .. اقسى من الصخر حتى.
فليس هناك اسوا من ان اثق .. وتخان ثقتي .
**
متضايقه جدا من بعض التصرفات .. ومن بعض الاتهامات
ومن بعض العبارات ..
و قد يقال انني حساسه زيادة عن اللزوم ..
قد يقال انني لا اصفح ..
قد يقال انني لا انسى ..
قد يقال كلام كثير .. واحاديث كثيرة ..
والحقيقه في داخلي انا ..
وفي داخل القريبين جدا مني .
**
ترتجف يدي وانا كتب هذه الكلمات من شدة الغضب
وتحدثني نفسي احيانا .. انا انفجر انفجارا يسحق كل شي معه
فكلما حاولت ان اكون افضل .. اجدهم يذكرونني بما مضى
او يشككون في عزمي على ما اريده
**
اعترف اعتراف حقيقيا
سئمت هذا المكان بكل مافيه
: (
/
02-17-2011, 08:07 PM
اخواتي كلهم عندنا اليوم ..
وسويت لهم مخطط لطلعه بعد الساعه 10
ان شاء الله ..
**
موقف مضحك
كانت أختي تورينا ملابس البيبي المنتظر
وترتبهم في الدرج .. وغفلت عن لبس ونسته طايح بالارض
وقعد يوم كامل محد درا عنه .. ولمن قامت وشافت اللبس
قالت من الحين بنتي بتبعثر بملابسها
يا اناضحكت الين قلت امين ..
قلت الله يعينها عليك دام انتي امها
بجي انقذها لمن تطلعين حرتك عليها
**
ولي عودة لكتابة تفاصيل الرحلة التي من تخطيطي
/
02-18-2011, 12:58 AM
اليوم : الجمعه
التاريخ: 15/3/1432هـ
الوقت: 12:49ص
دوبني راجعه من طلعتنا
امحق طلعة
مررره ما انبسطت فيها
طبعا جينا انا وخواتي وامي
شوي جوا زوجات خواني وعيالهم
وطبعا الحريم يسولفون واقعدي ياحنان صايدي ورا عيالهم
ولا لاعبي فلان .. ولا امسكي علان لا يطيح
كاني جايه عشان اربت ورا عيالهم
وجع .. عصبت
حتى مالحقت اصور شي
توبه مره ثانيه اطلع طلعة فيها بزارين
/
02-18-2011, 11:25 PM
ياحليلك يا قلبي
كلمه واحدة حلوة تريحك
وكلمه واحدة شينه تشقيك
/
02-20-2011, 02:16 AM
أحس اني في حلم يقظة

واحلم باشياء الله العالم بتصير او لا

الحلو في الموضوع اني متفائلة

حيل حيل متفائلة

وفي اي لحظه وباي يوم راح تصير

ان شاء الله

**

مبروووك خاص لاخوي

رجع لمقاعد الدراسه .. واليوم يوريني كتبه

بيكمل دبلوم تربوي في الجامعه المفتوحة

مدري ليه ..

اي سيرة فيها علم او فيها دراسة

اصير مستشاره اخواني الكرام هع

لمن اقوله مبروك تضحك اختي وتقول :

باركي على شي سنع مو دراسه
/
02-21-2011, 01:54 AM
تماديت .. كثير كثير ..
فيجب ان انتبه اكثر
واحرص اكثر واكثر واكثر
ما لا يهمني لن اتدخل فيه
ومن اليوم ورايح
لن يهمني الا مايهمني فقط
/
02-21-2011, 02:07 AM
لن ادع لتلك الاوهام ان تغزوه ثانيه ..

حتى لو اضطررت إلى احاطته بسور منيع

37

02-15-2011, 11:07 PM

تعلمت في الايام القليلة الماضية
أن الانسان قادر على أن ينشئ لنفسه جو تفاؤل
وقادر على تقمص دور المتفائلين
حتى لو كان أكثر الناس تشاؤما
مهما كانت درجة التشاؤم لديك ..
تصنع التفاؤل حتى لو كان غير حقيقي
يكفي انه قد يمنحنا شعورا جميلا ..
سواء كان وهميا او لا .. لا يهم
المهم أن تكون نتيجته انجازا رائعاً ..

36

02-14-2011, 04:30 PM

صوت الصمت
يسعدني صوت صمتك ..
ويسعدني حيل فرحك ..
احس به بدون ماتتكلمين
من عيونك لمن تبتسمين
احس به من صورة نكك لما ينور مسنجري
/
\
حماس ..
قمة الحماس صرت احس به وانت معاي
دوم خليك معاي ..
عشان احمسك وتحمسيني
والله يوفقنا جميعا

35

02-12-2011, 03:15 AM

بالرغم من سلبياتي الكثيرة
الا انني على يقين انني حققت الكثير
وساحقق اكثر باذن الله
بقوة عزيمتي واصراري ..
وان كانت لحظات الضعف التي تأتي احيانا
تعرقل مسيرتنا .. وتسلب منا حماسنا
معها
سنتذكر دائماً
ان من توكل على الله فهو حسبه
/
02-12-2011, 07:26 PM

اليوم هو اليوم العالمي للعبط

حتى الكلام قام يستعبط معي
/

02-13-2011, 12:04 AM

اعلم جيدا .. ان مابداخلي واضح ظاهر

واعلم ان من اراد ان يفهمني سيفهمني
/
02-13-2011, 01:29 PM

الحمد لله .. ياحليلهم الجامعه.. 24 ساعه وضبطوا الوضع << شكلهم خافوا منا هع

ونزلت لنا جداول ..

وربي مبسووووووطه

الحمد لله الحمد لله

دوامي يوم الثلاثاء فقط من الساعه 1_4 العصر << ماعجبني الوقت

لكن شي احسن من لاشي

يا الله اخر مادة .. اخر مادة

يارب متى اتخرج وافتك .. الدراسة حلوه .. لكن الجامعه تجيب المرض *_*

بقي نتيجتي .. لسع مانزل شي

يااارب يجينا الخبر اليوم يااارب يكون اللي ببالي

ياحي ياقيوم
/
02-13-2011, 04:24 PM

كل شي راح يتعدل
عندي امل كبييييير بالحيل
اني راح اعدل كل شي
وراح تمشي اموري كلها وتصير تمام التمام
**
اممممم افتقدت وحدة غالية بالمنتدى
افتقدت تواجدها اليومين اللي فاتوا
اقدر اخذ راحتي بقوه معها في الحديث
لانها راح تفهمني صح ..
اتقبل منها اي شي واي نقد واي توجيه
لانها توجهه صح وباسلوب جميل ورائع
**
جاني تعديل من الدكتور معناه اني اعيد المبحث كله
لاني مارجعت للكتب الاساسيه ونقلت من كتب فرعية
غير الاخطاء النحوية والاملائية
كل اللي سويته اني حطيت الورقه على الطاولة
وجتني حالة بكاء فظيعة .. فظيعة ..
يعني الحين كاني ابدا من الاول ومن جديد ..
**
قادرة اني اركز وقادرة اسوي العجايب باذن الله
لكن لمن اقلق اجيب العيد .. لاني مخي يصير تنكه
يارب خلصني من القلق .. احس وقت يضيع وانا احاول اهجد نفسي
المشكله الموضوع مايستاهل القلق .. اذن ليش باقلق
**
جالس ادون واكتب وافضفض
يمكن تفتح نفسي بعدها واروح اكمل شغلي
اقرف شي في الدنيا لمن اشتغل على شي مجبره
: (
/
02-13-2011, 07:53 PM

وبكذا يكون قفلنا حساب الترم الماضي
وراح نبدا ترم جديد
بدون اشياء سابقة معلقة ..
الله .. احس بحمااااس
نجحت بدرجة ماتوقعتها الحمد لله
والله اني احبني حيل حيل
/
02-14-2011, 01:29 PM

اليوم : الأثنين
التاريخ: 11/3/1432هـ
الوقت: 1:19 م
للأسف اليوم سوف اعود الى غرفتي
والى مكتبي الصغير لمدة اسبوع
الله يصبرني على الزحمة
تعودت على مكتب اختي الكبير
السبب في هذه النقله المفاجئة
ان اختي راح تجينا اليوم وتقعد عندنا اسبوع
افتقدت اختي اكثر من اربع شهور ماشفتها
تصغرني اختي بعام وتسعة شهور
طبيبة اسنان في سنة الامتياز
<< مستغلتها كل شوي كانت تنط عندها في المستشفى الجامعي
عشان تسوي تنظيف ببلاش
امممم اقرب خواتي لي
تزوجت الصيف الماضي .. وانتقلت مدينة ثانية وصارت تطبق هناك
قريب ان شاء الله راح تصير ام .. وراح اصير انا خالة
و انا فرحانه لاني باشوفها اليوم ولانها بتجلس معنا اسبوع
ويلا بقوم انقل اغراضي

34

02-11-2011, 09:30 PM
أكره نفسي لعودتي لهذا العالم البغيض
واكرهها اكثر عندما لا استطيع تركه
وعندما اجده يسرقني من واقعي
ويسرق كل اوقاتي .. و كل دقائقي ..
/
02-12-2011, 02:58 AM
اتفاق

طرفه الأول أنا

وطرفه الثاني ....

ان مرت الايام واحسنا انا وهي تنفيذه

ومرت الصعاب ونحن نتذكره ونستعيده

وتجاوزنا عقباتنا معا سويا

سنكون على مايرام

على خير مايرام

باذن الله .

33

02-11-2011, 09:25 PM
يا الله
وكأنه لا يحق لي حتى أن أشعر
فالتزم صمتا مطبق .. يقتلني
من أجل الشعور بالذنب الذي يلازمني
وبداخلي بركان ثائر .. ثائر
على كل من عرفتهم .. وعلى نفسي .. وعلى غبائي
وعلى ثقتي .. وعلى مشاعري ..
على سذاجتي .. وعلى ضعف ارادتي
على كل شيء
على كل شيء


32

02-11-2011, 10:54 AM

اليوم : الجمعة

التاريخ : 8/3/ 1432هـ

اخر ايام اجازة الفصل الدراسي الأول

وهو اليوم الذي يسبق بداية آخر ترم

يسألونني مرارا .. هل انتهت ِ ؟؟

واجيبهم على مضض .: لا

وعندما اجلس وحدي اتساءل

هل انتهيت فعلا ..

هل انتهى صبري .. أم انتهت عزيمتي .. ام انتهت موادي

ام صار الهروب الى عالم لا واقعي .. هو نهايتي

هل انتهيت من تدمير حلمي .. ام مازلت اواصل لتدميره

هل ضحيت فعلا من أجله .. هل استحققته بكل جدارة

جدارة من يسعى بلا ملل ولا كلل..

ما ابشع ذلك التفكير عندما يغزوني بعد لحظات فرح مؤقته .

31

02-09-2011, 11:06 AM
لا تعلقوا امالكم على اي فرد من الناس
مهما كانت مكانته .. لان الناس بطبعها تتغير
وتغيرها شي خارج عن ارادتها .. مراح نلومهم ابدا .. ابدا
ولا نستحق من أجل ذلك أن نلوم أنفسنا ..
لكننا نعاني مؤقتا جراء هذا التغيير
فراغ يخلفونه في داخلنا .. بابتعادهم
كانوا في وقت ما .. ولحظة ما .. يشغلونه بقربهم
وعزائنا هو ان الفراغ في طي التقلص .. حتى يصبح لا شيء.
هذه هي الدنيا .. وهذا حالها.
/
02-10-2011, 12:34 AM
من حـ/ قلبي............
.................إلى حـ/ الصداقة
اثبات قيد العطاء طوال الفترات السنوية

30

02-08-2011, 07:14 AM

اليوم : الثلاثاء
التاريخ : 5/3/1432هـ
بداية تعديل جداول
قد تكون اخر مادة سادرسها
وساودع الاختبارات الى الابد خلال هذه المرحلة ان شاء الله
سعادتي كبيرة وحزني عميق ..
سعادة الوصول باذن الله
وبه تكتمل فصول القصة ..
وحزن الفراق .. فراق مااعتدت عليه
فراق كياني .. ملاذي .. و مجالي
فراق احبتي الذين عرفتهم خلال سنوات الجامعة
فراق اماكن استذكاري .. وانتظاري
اروقة مررت بها .. مصاعد ركبتها ..
ومكتبة كنت اتردد كثيرا عليها ..
لا اتخيل مكان آخر .. اذهب اليه كل صباح ..
ما بالك اوركيدا .. هوني الامر
فلم تتخرجي بعد ..
أعلم .. ولكنه شعور من بين مشاعر كثيرة
اصبحت احس به كثيرا خلال هذه الايام
شعور النهاية
فكيف سيكون لو كان لنهاية اشياء جميلة : (

29

02-07-2011, 10:36 AM
انهيت أمر كان معلق فتره طويلة
وبنهايته حسيت براحه نفسيه رهيبة
لك الحمد ياربنا كما ينبغي لجلال وجهك وعظيم سلطانك
/
02-07-2011, 01:35 PM
ماهو حل ابدا ابدا
ولذلك تراجعت وياكثر ماتراجعت
لأنني قادرة وقادرة جدا على مواجهة سلبياتي و أخطائي مهما كانت.
/
02-07-2011, 07:20 PM
يكفيني .. أن لدي هدفا ما .
واسعى لتحقيقه .
وهذا هو الأهم والأجدر و الأولى
في أن يأخذ النصيب الأكبر من أهتمامي و تركيزي

28

02-01-2011, 09:37 PM
خملت ثقتي بالجميع .. حتى بنفسي
فصرت أخشى أن يصفعني الحديث
بإحدى كلماته الجارحه ..
و أعود مرة أخرى لأطبب جرحي من جديد .
/
02-02-2011, 02:22 AM
اصعب شي لمن يكون بنفسي زحمة كلام
وماني عارفه كيف اقوله
كنت في حال و اصبحت بحال ثانية في غضون أيام
سبحان مغير الأحوال .
سبحانه.
/
02-03-2011, 06:19 AM
ما زال الطريق طويل وشائك وصعب
لكن في نهايته حلما جميلا يناديني .
/
02-03-2011, 05:45 PM
لنحلّق عالياً ..
ونتخيل المستقبل بأبهى حُلّه
وننسى الماضي كُلّه
ونحيا بقلوبٍ نقية
مسالمة.
/
02-04-2011, 02:19 PM
اليوم راح تزورنا احب واحن عمة من عماتي
احبها من جد لانها اقرب وحده لسننا
مع انها كبيره وعندها احفاد لكن روحها شابه
ماشاء الله عليها ..
جايه من الرياض لجدة و تبي تزورنا زيارة سريعة
ماحزرت ان ما مسكتها عندنا اقل شي اسبوع
ما اكون انا اوركيدا بنت ابوي .
/
02-05-2011, 03:16 PM
عجيب عالمنا هذا
بالرغم من اننا نمتلك كل مقومات الوصل
من سيارات جوالات و حواسيب
انترنت هاتف وبريد
لكن البعد بين القلوب يزيد
لماذا ؟!! لا أعلم .
/
02-05-2011, 03:36 PM
في اشياء في النفس
بالرغم من انها مؤلمه
لكنها دافع قوي للبذل و الاجتهاد
لدي عقل وقلب وجوارح مثلهم تماما
فماذا ينقصني عن الذين اجتهدوا وبذلوا ونجحوا
اذن لاداعي للخوف والقلق يا اوركيدا
فقط اجتهدي وتوكلي على الله
ولن يضيع الله لك تعبا ابدا.

27

02-01-2011, 09:44 AM

كثير كنت اقول .. بيجي يوم ..
و الاشياء اللي ما اكون بحاجتها
لازم اتخلى عنها
والاشياء اللي بتسبب لي ألم ..
لازم اتركها وما اقرب منها
لحظات صدقت فيها مع نفسي
 لقيت انه اكثر شي يسبب لي الالم
هي نفسي ذاتها ..
وبما انها نفسي مراح اقدر اتخلى عنها
لكن اي شي اخر راح اجتثه من جذوره ..
ماني بحاجة راي من الناس ..
أنا بحاجة نفسي من نفسي
فأي شي بيؤثر على نفسي ..
باتخلى عنه واتخلص منه ..
حتى لو كان شي عزيز

26

01-31-2011, 04:24 AM

سهم يخترق القلب

ويجعل دموع العين تسقط

وبعد سقوطها لن يكون لها رجوع .

سيبقى اثر السهم في قلبي محفورا .

و لن اكترث .. فأنت لا تعني لي شيء أبدا

25

01-28-2011, 12:20 AM
أنا كما تريدون ..
ولكن الحقيقة أنني لست كما أريد
وهذا مايؤلمني .
/
01-28-2011, 12:45 AM
مدري شفيني اليوم
دايم اقول اكره الروتين .. واذا تغير روتيني اتعب
وش الحل .. انتحر *_*
افتقدت الاعضاء اليوم كلهم ورب البيت
لاعاد تغيبون : (
ودي اصيح
/
01-28-2011, 07:39 AM
صباح الخير .. صباح منعنش
مع شروق شمس كل يوم جديد
سأبتسم .. فلن تكلفني ابتسامتي شيئا ..
بل ستمنحني شعورا بأنني على مايرام .
قال عليه الصلاة والسلام :
" تبسمك في وجه أخيك صدقة "
مع شروق شمس كل يوم جديد سيكون لي موعدا مع الابتسام .
فدعونا نبتسم الآن : )
/
01-28-2011, 09:22 PM
هل انا مذنبه ؟!!!..
لأن طموحي كبير جدا اكبر حتى من امكانياتي
هل اذنبت في حق نفسي فعلا بهكذا طموح ؟!!
/
01-28-2011, 09:22 PM
ستظلين شامخة .. جامعتي الحبيبة
مهما فتك بك جشع الطامعين
/
01-28-2011, 11:49 PM
آه من احزانهم .. تؤلمني
ليتني اخلصهم منها
ليتني احتويهم و اضمهم
ليتني سعادة تمتلأ بها قلوبهم
تسكن بداخلها وتظل فيها
الى الأبد
/
01-29-2011, 01:13 PM
ابذل قصارى جهدي
لكن ..
تنقصني همة تحطم صمود الجبال
فيارب أرزقني أياها .. عاجلاً غير آجلا .
يارب
/
01-29-2011, 04:45 PM
غباء .. الفكرة قمة الغباء ..
لن تتوقف الحياة على شي واحد
لن تتوقف يا اوركيدا
ابحثي عن الأشياء الجميلة بعيدا عن هذا العالم
واستشعري كل الجمال فيها .. وابتسمي.
/
01-29-2011, 10:24 PM
ياااارب ..
أنت أعلم بحالي
خلصني مما أنا فيه ..
ياحي ياقيوم


24

01-26-2011, 12:12 PM
اشتاق الى الضجه في حياتي
او الى اهتزاز طفيف يصيب الروتين .. يخرجه من دائرته المفرغة
قلربما تأتيني الأفكار الجيدة من هكذا اهتزاز
/
01-26-2011, 03:40 PM
من تدخل فيما لا يعنيه لقي ما لا يرضيه
درس مهم تعلمته اليوم
/
01-27-2011, 12:13 PM
سأهديني لعبة .. لأتجدد ..
لأجعل حزني يتبدد .
/
01-27-2011, 02:16 PM
يشق قلبي طريقه مبتعدا عن كل مايجلب الألم ..
و تظل نفسي تردد دائما .. بيني وبينها وامام الملأ:
ياقلبي لا تحزن .. لا تحزن ابدا
/
01-27-2011, 10:06 PM
أتألم و خالقي ..
مع كل انتقاد .. أتالم حد البكاء .
"يارب خلصني من هالحساسية المتعبة"

23

01-25-2011, 01:58 PM

عضوتان

من اعز العضوات الي قلبي

معرفتي بهم وطيده وعميقة ..

جوري و أغلاهم

حبيت وانا اتكلم عنهم هنا ..

اذكر لكم بعض مواقفهم معاي

زمان لمن كنا وجوري بمنتدى واحد

كانت تعرف معاناتي من النت

فكنت اغير رقمي السري للعضوية حقتي

 و احطه عندها امانه الين اخلص اختباراتي

وبعدها تكون هي عارفه اخر يوم اخلص فيه

وتجي تعطيني هوا ..

 كانها اختي الكبيرة وتحن علي وتخاف علي

ونفس الشي تسويه معاي اغلاهم

تعاملهم معاي بصدق واخلاص ..

تعاملهم معاي يخليني اخجل من نفسي

واكون حريصة اشد الحرص

اني ما اكون زعلت وحده فيهم ..

ولا اكون سبب لاي شي يضايقهم ..

وابذل اقصى ماعندي

عشان البي لهم اللي يطلبونه

ولو يطلبون عيوني ماتغلى عليهم ..

وقفتكم معاي في هذيك الايام ..

كانت شي كبير وشي عظيم ..

 وشي يخليني احرص اني احافظ عليكم

واتمسك فيكم لانكم عملات نادرة

مستحيل راح الاقي مثلكم

وقفتكم معاي خلتني اوقف مره ثانيه على رجولي ..

واستعيد توازني .. واعوض خسارتي ..

والاحق عمري ..

وانقذ سير دراستي من التعثر اللي تعرضت له

وقفتكم معاي .. مراح انساها .. ابدا ابدا

راح تكون دين برقبتي

لو اقعد طول عمري اسدد فيه مراح اقدر اوفيه

من قلب مخلص

حنان

 

22

01-24-2011, 06:53 PM

سبحانك ربي ما اعظمك

من يلجأ إليك لن يشعر بالقلق والخوف أبدا

/
\

01-24-2011, 09:06 PM

لكل قلب مفتاح ..

ومفتاح قلبي المعاملة الحسنة و الألفة

لا تبخلوا علي بها.. حتى لو كنت مخطئة.

/
\

01-25-2011, 07:18 AM

قطرات المطر .. تأتينا بالخير والشر

فاكثر لنا يا ربنا خيرها وأكفنا شرها

21

01-24-2011, 06:50 PM

شعور غريب أشعر به الآن

قلق ممزوج بطمانينه

خوف يصاحبه سكينة

20

01-24-2011, 06:37 PM

حسيت بشعور رائع وعميق

الكل يسالني عن اختباري

فديتكم والله

سؤالكم هذا يعطيني دافع

الله يخليكم لكل من يعز عليكم

19

01-24-2011, 05:20 PM

في أعماقي قلبٌ ينبض

يشاركني في كل شي حتى اسمي

18

01-24-2011, 05:15 PM

لا تصعبوا البوح

ولا تصعبيه على نفسي يا أناي

المهم

أن يكون نابعا من قلب صادق محب

حتى لو كان جملة واحدة فقط

17

 01-24-2011, 02:23 AM

حين سألت حاجتي من إله العالمين ..

وكتبتها على مسنجري

قالت لي متألمة : "غيريه .. إنه قاسي "..

استبدلته بابتسامة حانية ..

وكاني اربت على كتفيها بكل حنان الدنيا

فلم يكن معنى الكلام قاسيا أبدا ..

بل كانت حقيقة اننا بدأنا نتحاشاها ..

قاسية جدا عليها

بمجرد أن علمنا أنها ستبدأ حياة جديدة

وحقيقة انها ستنشغل عنا تسبب لي الغصة ..

وتجعلني ابتعد رغما عني ..

 لانني لا احتمل الفقد ابدا

صديقتي

وفقك الله في حياتك الجديدة

سنكون بالقرب دوما

فلا تقلقي ابدا



16

01-24-2011, 01:07 AM

مللت .. حزنت .. يئست .. تعبت

لن يكون لهذه الكلمات مكانا ..

من قاموس مفرداتي والفاظي بعد الآن

فلقت تعلمت جيدا كيف استفيد من أخطائي

15

01-23-2011, 09:27 PM

تقودني اشواقي الى هنا .. كلما ابتعدت عن جهازي

اعود .. أتذكر قلوبكم واعدها ..

اسأل نفسي في صمت .. أنسيت قلب احدهم ؟!!

وعندما اتذكر .. تعصييني يدي ..

تتجه نحوكم لتهديكم وتكتب لكم .

14

عندما أتحدى صعوبة المسألة

وأجد لها حلا

يحلق شعور الانتصار في نفسي عاليا

وابتسم من كل قلبي

/

\

01-23-2011, 09:08 PM

13

في أعماقي .. أشياء جميلة

لا أحسن التعبير عنها

ولكنني سأحاول

12

 افتتاح مدونة الأوركيدا // 01-23-2011, 08:50 AM

بسم الله الرحمن الرحيم

 

اليوم : الأحد

 

التاريخ : 19/2/ 1432هـ

لن تكون كرذاذي السابق

 

سأجردها من ذكرى موجعة ..

 

وانثر البسمة في أرجاءها

 

لتبتسموا معي .. ابتسامة أمل

 

ساكتبني حروفا .. وجمل .. وكلمات

 

سأرسمني لوحة جميلة

 

بهوية الأوركيد التي لن تتغير

 

سأكتب شعوري .. بلغة سليمة أو ركيكة

 

سأكتبه لأنه يريد أن يُكتب ..

 

ليهدأ .. و لا ينضب

 

أمنحوه فهما خالصا ..

 

وتخيلوه كشعوركم .. لتحس به قلوبكم

11

اتذكر وقت الامتحانات

وانا بالصف الخامس ابتدائي

كان ابوي جالس على الكنبه

بيصحح اسئلة اختباره

بطريقة غريبه

الورقه عليها دوائر ومخرومه

والاختبار كان اختيار من متعدد

كنت انبسط من الوضع

ابويه يصحح وانا اذاكر بنفس المكان

اروح عنده واسأله

 اقول له ابويه الجزئية هذي اش اذاكر منها

يقوم يلخصها لي بطريقة مره مرتبه

واجلس احكي له عن البنات

واني ابغى اكون من العشرة الاوائل 

واعلمه كيف خططت لنفسي

عشان احقق هالحلم الصغير

كنت ابغاه يفرح فيني

ويشوف مهارتي واصراري على الشي اللي ابغاه

مدري وقتها هو كان يمشيني عشان اسكت 

 ولا كان معجب بي فعلاً

كبرنا يا ابويه .. كبرنا وكبر معانا احتياجنا لك

كبرنا واحنا نحس بحرمان ..

والحين نحس بضياع

ضياع و فقدنا الأمان 

فقدناه واحنا عايشين معاك 

رحمتك ياربي 

لا تحوجني لأحد 

ياحي يا قيوم 

: ( 

10

ليتني أم

وعندي طفل واغرقه بحناني

حنيت كثير اني اكون ام

يارب لا تحرمني هالمشاعر

يارب

9

قاعدة احاول احسن علاقتي بامي

واتعود اني اجلس معاها

وما اعصب اذا انتقدت

ان شاء الله يتحسن الوضع مع الأيام

حتى لو مالقيت منها الحنان اللي احتاجه

يكفيني انه مافي اي سوء فهم بيني وبينها

ويكفيني احس اني اتعامل معها عادي

يارب اني اقدر

يارب

احاول اني اشجع نفسي

وما انتقدها .. ولا احتقرها

وليش احتقرها ؟!!

والله اني ظلمتها حيل حيل باحتقاري لها

يمكن انا في نظر البعض شخصية مهزوزة

لكن في نظري انا عادية جدا

وبالرغم من اللي يقولوه الناس

انا فاهمه وعارفه اش ابغى

يمكن حاسة بقلق من الوضع بعد التخرج

وخايفة اني ما احصل الشي اللي ببالي

لكني واثقه برب العزة

انه يحقق لي كل اللي احلم بيه واتمناه

يارب لا تقطع نصيبي في هالدنيا

واكتب لي زوج صالح وارزقني ذريه صالحة

يارب يارب يارب يارب

مافي احد اقدر اشكي له بكل صراحه قدك

يارب انت ادرى بشعوري ومافي نفسي

يارب انهي كل مخاوفي ووفقني يارب

وارزقني الطمأنينة والراحة

ياحي ياقيوم .

8

ضيعت وقتي

هذا الشي الوحيد اللي دائما يجي ببالي

ممكن يضيع وقتي لاي احد اعزه

وافني عمري عشانه

بس احس بانتمائي وهذا مو ضرر او استغلال

افتقد الانتماء لاي مجموعه

لانه اهم مجموعه في حياتي ما انتميت لها

يمكن يكون طلبي مستحيل وانا بفكر بطريقة مثالية 

مع اني ماني مثالية 

لكن في ظل غياب التجارب الجأ للافتراضيات 

اللي الكل تقريبا تخلى عنها  

ادري انه في امور كثيرة نص عليها الدين وما اقوم بها

صلة الرحم مثلا ..

انا ما اصل احد لاني اكتئب من الناس

احس بينهم باحساس مؤلم محد يعرفه اللي يجربه

واتمنى محد يجربه

مدونتي ..

بابوح لك باشياء يمكن ماهي متسلسله

لكني فيه مليون شي وشي براسي يشتتني

احس اني في دوامة اسمها انا واحاسيسي

تحمليني

اصلا راح تتحمليني غصبا عنك

لانه مافي احد غيرك اشكي له بكل راحه

وبدون مايضرني